დიდუბის რაიონის გამგეობა N140 საჯარო სკოლაში სარეაბილიტაციო სამუშაოებს ახორციელებს.
პროექტის ფარგლებში, განახლდება სპორტული დარბაზის შიდა სივრცე, იატაკი, ჭერი, ელექტროგაყვანილობა და განათების სისტემა. შეიცვლება ვიტრაჟების დაზიანებული მინები, მოეწყობა დამცავი ბადეები, ასევე, ვაჟებისა და გოგონებისთვის განკუთვნილი გასახდელები შესაბამისი სანიტარული კვანძებით, რეაბილიტაცია ჩაუტარდება სკოლის მე-4 სართულზე არსებულ სანიტარულ კვანძებს, მოწესრიგდება ცენტრალური ელექტროფარი და განახლდება გათბობის სისტემა.
სამუშაოების მიმდინარეობას ადგილზე დიდუბის რაიონის გამგებელი დავით გელოვანი და თბილისის საკრებულოს დიღმის მასივის მაჟორიტარი დეპუტატი შოთა ქევხიშვილი გაეცნენ. მათ სკოლის დირექციასთან არსებული მდგომარეობა და სკოლის სხვა საჭიროებები განიხილეს.

