ამერიკის შეერთებული შტატების ყოფილი მაღალჩინოსანი ჯონ ბოლტონი აღიარებს, რომ უცხო ქვეყნებში სამხედრო გადატრიალებას გეგმავდა. CNN-თან ინტერვიუში ჯონ ბოლტონმა აღნიშნა, რომ იგი თავისი კარიერის განმავლობაში სხვადასხვა ქვეყანას პუტჩის მოწყობაში დახმარებია.
ამ თემაზე მან კაპიტოლიუმზე გასული წლის 6 იანვარს მომხდარ თავდასხმაში დონალდ ტრამპის შესაძლო ბრალეულობაზე კომენტირებისას ისაუბრა.
ჯონ ბოლტონი გაეროში ამერიკის ყოფილი ელჩია, იგი ტრამპის ადმინისტრაციაში, ეროვნული უსაფრთხოების საკითხებში თეთრი სახლის მრჩევლის პოსტს იკავებდა.