პარტია „ქართული ოცნების“ თავმჯდომარემ ირაკლი კობახიძემ მედიასთან იმ საკითხებზე ისაუბრა, რომლებსაც პარტიის პოლიტიკური საბჭოსა და საპარლამენტო უმრავლესობის დღევანდელ სხდომებზე შეეხნენ.
მან ამ სხდომებთან დაკავშირებით ასევე უპასუხა ჟურნალისტის კითხვას, რომელიც ოპოზიციის მიერ წინასწარ გავრცელებულ სპეკულაციებს ეხებოდა.
„ზოგადად, რა პროცესებიც წარიმართა ქვეყნის შიგნით, მათ შორის გუნდის შიგნით, ამ თემებზე იყო საუბარი. ძალიან მოკლედ შევეხეთ სხვადასხვა თემას, საგარეო პოლიტიკური კონტექსტიც ძალიან მნიშვნელოვანია და რა თქმა უნდა, ამასთან დაკავშირებითაც იყო საუბარი. მათ შორის იყო შეკითხვები და პასუხები ამ თემაზე. იყო გარკვეული სპეკულაციები სხვადასხვა თემის შესახებ, თუმცა, არსებითად მიმდინარე პოლიტიკური საკითხები – შიდა პოლიტიკური და საგარეო პოლიტიკური საკითხები იყო განხილული”, – აღნიშნა ირაკლი კობახიძემ.