მომზადებულ დოკუმენტში ასევე ასახულია საერთაშორისო ორგანიზაციების შეფასებებიც, სადაც საუბარია, რომ ქართულმა მართლმსაჯულებამ მე-4 ტალღის ფარგლებში ძალიან დიდი პროგრესი განიცხადა, – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა „ქრონიკაში“ ჩართვისას განაცხადა.
მისი თქმით, მათ დღეს ოპონენტებს სასამართლო სისტემასთან დაკავშირებით 200-გვერდიანი დოკუმენტი განსახილველად გადასცეს. ოხანაშვილის განმარტებით, დოკუმენტი სასამართლოს ინსტიტუციურ განვითარება ასახავს 2013 წლიდან 2021 წლის ჩათვლით. ოხანაშვილმა ასევე ისაუბრა, თუ რა გამოწვევები რჩება აღნიშნულ სისტემაში, რომლის გამოსწორებაც სასურველია.
„ეს იქნება ფაქტების დამახინჯება და ფეხქვეშ გათელვა, თუ ვინმე იმას იტყვის, რომ ქართულმა მართლმსაჯულებამ 2013 წლიდან დღემდე ძალიან დიდი პროგრესი არ განიცადა. რა თქმა უნდა, რჩება გამოწვევები და როდესაც გამოწვევებზეა საუბარი, ჩვენ ამ დოკუმენტში დაფიქსირებული გვაქვს გამოწვევები. ეს არის: საპროცესო ვადების დაცვა, რათა ჩვენმა მოქალაქეებმა სწრაფი მართლმსაჯულება მიიღონ; სასამართლოს გადატვირთულობა, სასამართლოს გადაწყვეტილებების დასაბუთებულობის ხარისხის კიდევ უფრო გაუმჯობესება – ეს არის საკითხები, რომელზეც ჩვენ უნდა ვიმუშაოთ“, – განაცხადა ოხანაშვილმა.
მისივე თქმით, მათ მიერ მომზადებულ დოკუმენტში ასევე ასახულია საერთაშორისო ორგანიზაციების შეფასებებიც, სადაც საუბარია, რომ ქართულმა მართლმსაჯულებამ მე-4 ტალღის ფარგლებში ძალიან დიდი პროგრესი განიცხადა.