გაყალბებულ და არალეგიტიმურ პარლამენტებში ფრაქციებს არ ქმნიან, ფრაქციის შექმნით მოხდა საქართველოს პარლამენტის სრული ლეგიტიმაციის აღიარება – ანრი ოხანაშვილი

164
წაკითხვა/ნახვა

გაყალბებულ და არალეგიტიმურ პარლამენტებში ფრაქციებს არ ქმნიან, არ შედიან საერთოდ. ფრაქციის შექმნით მოხდა საქართველოს პარლამენტის სრული ლეგიტიმაციის აღიარება, – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.

მისი თქმით, ოპოზიციას მოუწია იმ რეალობასთან თვალის გასწორება, რომ საქართველოში ჩატარებული არჩევნები იყო ლეგიტიმური და კონკურენტული.

„მიუხედავად იმისა, რომ მთელი ამ ხნის განმავლობაში ოპოზიციას სუბიექტური, ვიწროპარტიული ინტერესები ჰქონდა, რომ არ ეღიარებინათ არჩევნები, მათ მოუწიათ ამის გაკეთება მაშინ, როცა შემოვიდნენ პარლამენტში, როცა ხელი მოაწერეს შეთანხმებას და ეს დასტურდება დღევანდელი გადაწყვეტილებით, როცა კონკრეტულმა ჯგუფმა შექმნა ფრაქცია. გაყალბებულ და არალეგიტიმურ პარლამენტებში ფრაქციებს არ ქმნიან, არ შედიან საერთოდ. დღეს პრაქტიკულად, ირიბად, მაგრამ მთლიანობაში რეალურად ფრაქციის შექმნით, მოხდა საქართველოს პარლამენტის სრული ლეგიტიმაციის აღიარება”, – განაცხადა ანრი ოხანაშვილმა.

„ლელომ“ პარლამენტში ახალი ფრაქცია შექმნა, რომელსაც სალომე სამადაშვილი, შალვა შავგულიძე და არმაზ ახვლედიანი შეუერთდნენ.

კომენტარები
მოწონება