დიდუბის რაიონის გამგეობა დიღმის მასივის მე-6 კვარტლის №23 კორპუსის მიმდებარედ ინფრასტრუქტურულ სამუშაოებს ახორციელებს.
პირველ ეტაპზე, წყლისა და წყალარინების ამორტიზებული ქსელები სრულად განახლდა, ამჟამად კი ტერიტორიაზე ასფალტის ახალი საფარი იგება.
პროექტების ჯამური ღირებულება 114 800 ლარს შეადგენს.
სამუშაოების მიმდინარეობას დიდუბის რაიონის გამგებელი დავით გელოვანი და თბილისის საკრებულოს დიღმის მასივის მაჟორიტარი დეპუტატი შოთა ქევხიშვილი ადგილზე გაეცნენ.
მოსახლეობისათვის კომფორტული და კეთილმოწყობილი გარემოს შექმნა უმთავრეს პრიორიტეტს წარმოადგენს. ინფრასტრუქტურული პროექტები რაიონში მომავალშიც თანმიმდევრულად და აქტიურად გაგრძელდება.