ჯერ დაკარგეს რუსეთი, მერე – ჩინეთი, ახლა, როგორც ჩანს, ამერიკაც დაკარგეს და საკუთარ პარტნიორებსაც კარგავენ, – განაცხადა ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა ევროკავშირზე საუბრისას.
მისი თქმით, გერმანიასა და ისლანდიაში მიმდინარე მოვლენების გათვალისწინებით, ევროკავშირი, როგორც ჩანს, საკუთარ მოსახლეობასაც კარგავს.
„არ უნდა გქონდეს საშინაო პოლიტიკა, არ უნდა აწარმოო შენი საპარლამენტო ცხოვრება, არ უნდა გქონდეს საგარეო პოლიტიკა – მათ უნდა დაეკითხო ყველაფერზე: რა გაიტანო, რა შემოიტანო, ვისთან გქონდეს ურთიერთობა. როდის და რამდენი ისუნთქო. ასეთ აბსურდამდე მივიდა ის არასწორი პოლიტიკა, რასაც ბრიუსელი ატარებდა.
ჯერ დაკარგეს რუსეთი, მერე – ჩინეთი, ახლა, როგორც ჩანს, ამერიკაც დაკარგეს და საკუთარ პარტნიორებსაც კარგავენ. იმ არჩევნებსაც თუ გავითვალისწინებთ, რომლებიც ისლანდიასა და გერმანიაში ჩატარდა, როგორც ჩანს, საკუთარ მოსახლეობასაც კარგავენ.
ამიტომ ასეთი განწირული განცხადებები, ერთი მხრივ, გამაოგნებელია, მაგრამ მეორე მხრივ, უკვე აღარ არის გასაკვირი“, – აღნიშნა მახაშვილმა.