აშშ-ის კონგრესში აქამდეც არსებობდა ეჭვი, რომ უკრაინის ხელისუფლების ზოგიერთი მაღალჩინოსანი უკრაინის დახმარებისთვის განკუთვნილ თანხებს არაკეთილსინდისიერად განკარგავსდა დღეს ზელენსკის ადმინისტრაციის ხელმძღვანელის „გადამოწმება მის რუსულ კავშირებთან მიმართებაში“ უკვე სერიოზული ქმედების საფუძველია, – ასე ეხმიანება ექსპერტი გია გაბრიჭიძე კონგრესმენი ვიქტორია სპარცის პრეზიდენტ ჯო ბაიდენისთვის გაგზავნილ წერილს.
„საკმაოდ მნიშვნელოვანი განცხადებაა. აშშ-ის კონგრესში აქამდეც არსებობდა ეჭვი, რომ უკრაინის ხელისუფლების ზოგიერთი მაღალჩინოსანი არაკეთილსინდისიერად განკარგავს უკრაინის დახმარებისთვის განკუთვნილ თანხებს და დღეს ზელენსკის ადმინისტრაციის ხელმძღვანელის „გადამოწმება მის რუსულ კავშირებთან მიმართებაში“ უკვე სერიოზული ქმედების საფუძველია, რადგანაც აშშ-ის კონგრესმენი ამ სახელმწიფოს ზოგიერთი ელჩისგან განსხვავებით, არ არის საეჭვო რეპუტაციისა, თუ საქმიანობის არასამთავრობოების გავლენის ქვეშ და მისი ნებისმიერი ფრაზა საფუძვლიან ინფორმაციებს ეყრდნობა. დარწმუნებული ვარ, ერმაკის გარემოცვის შესწავლის შემდეგ იქ ამოტივტივდება გონჩარენკოს, არახამიასა და ჩვენი სხვა „მეგობრის“ გვარები“, – წერს გაბრიჭიძე Facebook-ზე.
კონგრესმენმა ვიქტორია სპარცმა პრეზიდენტ ჯო ბაიდენს წერილი გაუგზავნა, სადაც უკრაინის პრეზიდენტ ზელენსკის ადმინისტრაციის უფროსთან, ანდრეი ერმაკთან დაკავშირებული ზედამხედველობის პროცედურების შესახებ ინფორმაციის მიღება მოითხოვა.