დიდუბის რაიონში ინფრასტრუქტურული სამუშაოები გრძელდება. მტკვრის მარცხენა სანაპიროზე, სამტრედიის ქუჩის N50ა-ს მიმდებარედ, გუდაუთის ქუჩის კვეთამდე, სანიაღვრე სისტემა ეწყობა.
უხვი ნალექისას გზის სავალ ნაწილსა და შენობების საძირკველში წყლის დაგროვება ფუნდამენტის დაზიანების რისკს ქმნიდა.
არსებული პრობლემის აღმოფხვრის მიზნით, სანიაღვრე ქსელი 310 გრძივ მეტრზე მოეწყობა. სამუშაოების ღირებულება 180 000 ლარს შეადგენს.
პროექტის მიმდინარეობას დიდუბის რაიონის გამგებელი დავით გელოვანი გაეცნო.