გურიის მხარეში სახელმწიფო რწმუნებულის მოადგილეებმა ზაზა შოშიტაიშვილმა და ლაშა ჭელიძემ ადგილობრივი ხელისუფლების წარმომადგენლებთან ერთად საქართველოს ტერიტორიული მთლიანობისთვის დაღუპულ მებრძოლთა მემორიალი და აგვისტოს ომში დაღუპული გმირების საფლავები ყვავილებით შეამკეს. 2008 წლის აგვისტოს ომში სამშობლოს დაცვას გურიიდან 9 გმირის სიცოცხლე შეეწირა. მთავრობის განკარგულებით, საქართველოს აფხაზეთისა და ცხინვალის რეგიონების უკანონო ოკუპაციის მიზნით, რუსეთის ფედერაციის მიერ, საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნის პატივის მიგების ნიშნად, სახელმწიფო დროშები დაშვებულია გურიის რეგიონის ყველა ადმინისტრაციული ორგანოს შენობაზე.