დიდუბის რაიონში დაზიანებული ლიფტების რეაბილიტაციის სამუშაოები აქტიურ ფაზაშია. პროექტის მიმდინარე ეტაპი მოიცავს 11 მისამართზე არსებული 15 ლიფტის რეაბილიტაციას, რისთვისაც ბიუჯეტიდან 622 670 ლარი გამოიყო.
სამუშაოების პროცესს დიდუბის რაიონის გამგებელი დავით გელოვანი ადგილზე გაეცნო, ადგილობრივ მოსახლეობას შეხვდა, მოისმინა მათი მოსაზრებები და მიაწოდა დეტალური ინფორმაცია დაგეგმილი ღონისძიებების შესახებ.
სარეაბილიტაციო სამუშაოების დასრულების შედეგად, ადგილობრივები სრულად განახლებული, თანამედროვე სტანდარტების შესაბამისი და უსაფრთხო ლიფტებით ისარგებლებენ.