თურქმენ კოლეგებთან გაფართოებული ფორმატის შეხვედრაზე ნაყოფიერი დისკუსია გვქონდა საერთო ინტერესის სფეროებში თანამშრომლობის გაღრმავების შესახებ, – ამის შესახებ საქართველოს პრემიერ-მინისტრი ირაკლი კობახიძე სოციალურ ქსელ X-ში წერს.
როგორც მთავრობის მეთაური აღნიშნავს, განსაკუთრებული ყურადღება გამახვილდა რეგიონული დაკავშირებადობის სტრატეგიულ პოტენციალზე.
„რამდენიმე ძირითადი შეთანხმებისა და ურთიერთგაგების მემორანდუმის ხელმოწერამ კიდევ უფრო განამტკიცა ჩვენი საერთო ერთგულება საქართველოსა და თურქმენეთს შორის ძლიერი და ურთიერთსასარგებლო პარტნიორობის განვითარებაზე“, – აღნიშნავს ირაკლი კობახიძე.