შალვა პაპუაშვილი: ვისაც უნდა „ქართული ოცნების“ ხელისუფლებიდან ჩამოცილება, მის ინტერესებს პირდაპირ ეწინააღმდეგება საქართველოსთვის კანდიდატის სტატუსის მიცემა

ის, ვინც დღეს არ მონაწილეობს ამ 12 პრიორიტეტის [ევროკომისიის რეკომენდაციები] გარშემო მუშაობაში, ეწინააღმდეგება კანდიდატის სტატუსის მოცემას, – ამის შესახებ საქართველოს პარლამენტის თავმჯდომარემ, შალვა პაპუაშვილმა გადაცემაში „იმედი LIVE“ განაცხადა.

მისი თქმით, კანდიდატის სტატუსის მიღება, შედეგიდან გამომდინარე „ქართულ ოცნებას“ თავისთავად გააძლიერებს.

„საერთო ჯამში, ის, ვისაც უნდა „ქართული ოცნების“ ხელისუფლებიდან ჩამოცილება, მის ინტერესებს პირდაპირ ეწინააღმდეგება საქართველოსთვის კანდიდატის სტატუსის მიცემა, ვინაიდან ყველა აცნობიერებს, რომ კანდიდატის სტატუსის მიცემა, ამ შედეგიდან გამომდინარე „ქართულ ოცნებას“ თავისთავად გააძლიერებს. ამიტომ ბუნებრივი მოცემულობაა, განსაკუთრებით „ნაციონალური მოძრაობისა“ და მის გარშემო მყოფი პარტიებისთვის, რომ მათ მიზანს, ვისაც სურთ, რომ ჩამოაცილონ „ქართული ოცნება“ ხელისუფლებას, ეწინააღმდეგება საქართველოს ინტერესი, რომ მიიღოს კანდიდატის სტატუსი“, – განაცხადას შალვა პაპუაშვილმა.