მამუკა არეშიძის თქმით, მიზნის მისაღწევად რუსეთი ყველა გზას იყენებს ქვეყანაში არეულობისა და ქაოსის შექმნის ჩათვლით. ექსპერტი „ქრონიკასთან“ აცხადებს, რომ რუსეთისთვის მომუშავე ადამიანების ნაწილმა არ იცის ვის ინტერესებს ემსახურება, ნაწილი კი ქვეყნის იმიჯს მიზანმიმართულად აზიანებს.
„ძალიან კარგად იკვეთება ზოგიერთი პოლიტიკური ფიგურის მხრიდან რუსული ინტერესების რეალიზაცია. რუსეთისთვის მიუღებელია პოსტსაბჭოთა სივრცის ნებისმიერი ქვეყნის (ბალტიისპირეთის გარდა) რომელიმე დასავლურ სტრუქტურაში გაწევრიანება. ნებისმიერ განცხადება, ან ქმედება, რომელიც ქვეყნის ქაოტურ მდგომარეობას ხელს უწყობს, მომხიბვლელობას აკარგვინებს საქართველოს ამ სტრუქტურებისთვის, არის მომგებიანი“, – აღნიშნა მამუკა არეშიძემ.