მარნეულის მერიის ზედამხედველობის განყოფილების სპეციალისტი ირმა ზარქუა სამოქალაქო აქტივისტს, სამირა ბაირამოვას პოლიციაში უჩივის.
როგორც ზარქუამ „ქრონიკას“ განუცხადა, მას ბაირამოვა ხელით შეეხო. ინციდენტი მას შემდეგ დაიწყო, რაც ზარქუამ ფლაერების პოლიტიკური შინაარსი გააპროტესტა, რომელსაც სამირა ბაირამოვა არიგებდა.
„შაბათს მარნეულში, შემთხვევით შევხვდი სამირა ბაირამოვას, რომელიც ჩემთვის მიუღებელი შინაარსის ფლაერებს არიგებდა. მასთან კამათი მომივიდა და მე ის ხელით შემეხო, ორჯერ ხელი მკრა, რისი დამადასტურებელი ვიდეომასალები არსებობს. ამის შემდეგ ჩემზე სოციალურ ქსელში ხორციელდება ბულინგი, ასევე მომდის შეურაცხმყოფელი მესიჯები. სწორედ ამასთან დაკავშირებით პოლიციაში მივდივარ. ვარ საჯარო მოხელე, მაგრამ ეს საუბარი არასამუშაო დროს იყო და მე კანონს არ ვარღვევდი. ჩემ მიმართ მიმდინარეობს შანტაჟი და ფსიქოლოგიური ზეწოლა, ამიტომ მე მას პოლიციაში ვუჩივლებ“, – აღნიშნა ირმა ზარქუამ.