შეზღუდული შესაძლებლობების მქონე პირთა უფლებების დაცვის დღესთან დაკავშირებით, ახმეტის მუნიციპალიტეტის მერიის შეზღუდული შესაძლებლობების მქონე პირთა საბჭოს ინიციატივით, ქალაქ ახმეტაში ჩატარდა ფესტივალი სახელწოდებით ,,ერთად ყველაფერს შევძლებთ”.
ღონისძიებას ახმეტის მუნიციპალიტეტის მერი ალექსი ფიცხელაური, მერის მოადგილეები – ზურაბ ფილაშვილი და ვანო ნასყიდაშვილი, აბბა ალავერდელი მიტროპოლიტი დავითი და სხვა მოწვეული სტუმრები ესწრებოდნენ.
ღონისძიების ფარგლებში შშმ პირთა მონაწილეობით ჩატარდა სხვადასხვა სახის აქტივობა:
მკლავჭიდი;
ჭადრაკი;
ნახატების და ხელნაკეთი ნივთების გამოფენა;
მუსიკალური კონკურსი.
ამ დღესთან დაკავშირებით, სპეციალურად ჩეჩნეთიდან ჩამოვიდა პანკისის მკვიდრი, მომღერალი იიმან ფარეულიძე. ორგანიზაცია ,,მზის შვილების” მიერ დაარსებულმა ადაპტირებული ძიუდოს ეროვნული გუნდის ბავშვებმა სხვადასხვა ღონისძიებაში მიიღეს მონაწილეობა. ღონისძიება ჯგუფ “რეზო და ბავშვების” კონცერტით დასრულდა.
ფესტივალის მონაწილეებს სიგელები და ფულადი ჯილდოები გადაეცათ.