პარტია „ხალხის ძალის“ აღმასრულებელი მდივანი, გურამ მაჭარაშვილი მედიასთან საუბარში გამოეხმაურა „იმედის“ ეთერში, მამუკა მდინარაძის მიერ გაკეთებული განცხადების, ოპოზიციური მედიების მხრიდან გაყალბებისა და კონტექსტიდან ამოგლეჯილი წინადადების გავრცელების ფაქტს. მაჭარაშვილის თქმით, ოპოზიცია გაყალბებული ფრაზებით პოლიტიკური ქულების დაწერას ცდილობს.
„როდესაც მიხვდნენ, რომ დებატებში წააგეს, ღირსება არ ეყოთ, შეერგოთ და მომზადებულიყვნენ მომავალი დებატებისთვის, პირიქით, აყალბებენ ფრაზას და ამ გაყალბებული ფრაზებით სურთ, რაღაც პოლიტიკური მანიპულაციები და პოლიტიკური ქულები დაიწერონ. შეიძლება ეს „კარგიც“ არის იმიტომ, რომ სხვა არაფერი დარჩა იმ დებატებიდან, რომ ეთქვათ – დებატების ეს ნაწილი ჩვენ მოვიგეთ და ადგნენ და გააყალბეს ფრაზა. თუმცა ესეც ჩაუვარდათ და წაგებული დებატები, ორჯერ და ხუთჯერ უფრო მეტად იქნა წაგებული იმის მერე, რაც საზოგადოებამ გაიგო, რომ გააყალბეს ფრაზა,“ – განაცხადა გურამ მაჭარაშვილმა.