დიდუბის რაიონის გამგეობაში ამხანაგობების თავმჯდომარეებთან შეხვედრები გრძელდება. ამჯერად, დიდუბის რაიონის გამგებელმა დავით გელოვანმა, საქართველოს პარლამენტის წევრმა ირმა ზავრადაშვილმა და საკრებულოში დიდუბის რაიონის მაჟორიტარმა დეპუტატმა გივი ჩხარტიშვილმა სამუშაო შეხვედრა გამართეს დიდუბის რამდენიმე ამხანაგობის თავმჯდომარეებთან.
შეხვედრაზე განიხილეს ამხანაგობების საერთო საკუთრების ინფრასტრუქტურასთან დაკავშირებული პრობლემური საკითხები, მათი გადაჭრის გზები, ასევე, მიმდინარე და დაგეგმილი პროექტები.
შეხვედრები ეტაპობრივად რაიონის ყველა ამხანაგობის თავმჯდომარესთან გაიმართება.