თბილისის ინფექციური საავადმყოფოს გენერალური დირექტორის, თენგიზ ცერცვაძის განცხადებით, ბოლო პერიოდში საქართველოში კორონავირუსით ინფიცირების შემთხვევები გაიზარდა.
მისვე თქმით, ვარაუდობს, რომ შემთხვევების ზრდა პიკს შემოდგომაზე მიაღწევს.
„სულ რაღაც ორი კვირის წინ იყო 50-60 ახალი შემთხვევა და დღეს იყო 600-ზე მეტი ახალი შემთხვევა. მე პირადად ველი, რომ იქნება შემთხვევების ზრდა და ჩემი ვარაუდით, ეს ზრდა პიკს შემოდგომაზე მიაღწევს. ვაქცინაციის პროცესი უნდა გავააქტიუროთ. გამოვიყენოთ პირბადე მუნიციპალურ ტრანსპორტში, სამედიცინო დაწესებულებებში და ხალხმრავალი შეკრების ადგილებში“, – განაცხადა თენგიზ ცერცვაძემ.