დიდუბის რაიონის გამგეობა საჯარო სკოლებში ინფრასტრუქტურის გაუმჯობესებას აქტიურად აგრძელებს.
ამ ეტაპზე, 140-ე საჯარო სკოლაში, 1 300 კვ.მ ფართობზე, ასფალტის საფარი დაიგო. პროექტისთვის 200 000 ლარი დაიხარჯა.
პარალელურად, სკოლის ტერიტორიაზე მოეწყო სანიაღვრე ქსელი, დამონტაჟდა ღობე და მოწესრიგდა შიდა სივრცის ნაწილი, რაც სასწავლო გარემოს უსაფრთხოებასა და კომფორტს უზრუნველყოფს.
დასრულებულ სამუშაოებს დიდუბის რაიონის გამგებელი დავით გელოვანი, მოადგილე ზურაბ უგულავასთან, ინფრასტრუქტურისა და საუბნო სამსახურების წარმომადგენლებსა და თბილისის საკრებულოს დიღმის მასივის მაჟორიტარ დეპუტატ შოთა ქევხიშვილთან ერთად, ადგილზე გაეცნო.