დიდუბის რაიონის გამგებელი დავით გელოვანი, მოადგილე ზურაბ უგულავასა და ინფრასტრუქტურისა და საუბნო განყოფილებების წარმომადგენლებთან ერთად, წერეთლის გამზირის N101-ში მცხოვრებ მოსახლეობას შეხვდა.
შეხვედრაზე ადგილობრივებმა გამგეობის წარმომადგენლებს არსებულ პრობლემებსა და საჭიროებებზე დეტალურად ესაუბრნენ. განსაკუთრებული ყურადღება გამახვილდა სანიაღვრე სისტემის მოწყობის აუცილებლობაზე — მოსახლეობის განცხადებით, უხვი ნალექის დროს ეზოში გროვდება წყალი, რაც მნიშვნელოვან დისკომფორტს ქმნის და ხელს უშლის როგორც გადაადგილებას, ისე ინფრასტრუქტურის ნორმალურ ფუნქციონირებას.
ასევე, მოსახლეობამ დააყენა ეზოს კეთილმოწყობასთან დაკავშირებული სხვა საკითხები, მათ შორის, მწვანე სივრცეების განახლება და საერთო ინფრასტრუქტურის გაუმჯობესება.
როგორც დიდუბის რაიონის გამგებელმა განაცხადა, აღნიშნული პრობლემები შესაბამისი სამსახურების ჩართულობით დეტალურად შეისწავლება და ეტაპობრივად დაიგეგმება მათი გადაწყვეტის გზები. მისივე თქმით, მოსახლეობასთან უშუალო კომუნიკაცია ერთ-ერთი მთავარი პრიორიტეტია, რაც საშუალებას იძლევა, კონკრეტული საჭიროებები დროულად გამოვლინდეს და შესაბამისი რეაგირება მოხდეს.