ჩაის საერთაშორისო დღესთან დაკავშირებით, სსიპ სოფლის მეურნეობის სამეცნიერო-კვლევითი ცენტრის ორგანიზებით, ანასეულის ბაზაზე თემატური ღონისძიება გაიმართა, რომელსაც გურიის მხარეში სახელმწიფო რწმუნებული გიორგი ღურჯუმელიძე, სოფლის მეურნეობის სამეცნიერო-კვლევითი ცენტრის დირექტორი ლევან უჯმაჯურიძე და ადგილობრივი ხელისუფლების ხელმძღვანელი პირები ესწრებოდნენ.
ღონისძიების ფარგლებში, რომელიც სოფლის განვითარების სააგენტოს მხარდაჭერით გაიმართა, მოეწყო ქართული ჩაისა და ჩაის პროდუქციის გამოფენა, სადაც ადგილობრივმა მეჩაიეებმა საკუთარი პროდუქცია წარადგინეს. გაიმართა დისკუსია ჩაის სექტორში არსებული გამოწვევების, განვითარების პერსპექტივებისა და ქართული ჩაის პოპულარიზაციის მნიშვნელობის შესახებ.