IMG.GE ___________________________________ IMG.GE

არჩილ თალაკვაძე არის პარლამენტის ძალიან კარგი თავმჯდომარე, ხედავთ, რამდენად სწორად უძღვება პროცესს, – ამის შესახებ  საპარლამენტო უმრავლესობის ლიდერმა მამუკა მდინარაძემ, ირაკლი კობახიძის განცხადებასთან დაკავშირებით აღნიშნა. კობახიძემ თქვა, რომ  მეათე მოწვევის პარლამენტის თავმჯდომარე არჩილ თალაკვაძე იქნება.

„არჩილ თალაკვაძე მაქსიმალურად ცდილობს და ძალიან კარგად გამოსდის, რომ იყოს გარკვეულ შემთხვევაში ნეიტრალური სპიკერი. რა თქმა უნდა, ჩვენი გუნდის წევრია და გუშინ, მაგალითად, იყო შემთხვევა, რომ ძალიან მოუნდა, ქვემოთ ყოფილიყო და არა იმ ადგილზე, სადაც იჯდა, რადგან ღირსეულ პასუხს გასცემდა ოპონენტებს სპეკულაციებზე. ძალიან კარგად გამოსდის თავისი როლის შესრულება, როგორ პარლამენტს თავმჯდომარეს და მომავალ პარლამენტშიც მას ღირსეული ადგილი ექნება. კონკრეტულად, გადაჭრით რაიმე შეთანხმება არ არის, მაგრამ მონახაზები არსებობს“, – აცხადებს მამუკა მდინარაძე.

როგორც მდინარაძემ განაცხადა,  პარტიაში მაჟორიტარებზე პრაქტიკულად ჩამოყალიბებული არიან.

მათ შორის, შემიძლია, გითხრათ რომ მაჟორიტარებზე ჩვენ პრაქტიკულად ჩამოყალიბებული ვართ, ორი-სამი შემთხვევის გარდა. დღეს-ხვალ ალბათ შიდა გადაწყვეტილება იქნება და უახლოეს დღეებში საზოგადოებას წარვუდგენთ. პროპორციულ სიას რაც შეეხება, ამაზე ჯერ სიღრმისეული მსჯელობა არ გვქონია. რა თქმა უნდა, მოვთელეთ კონსულტაციებით ეს საკითხები, ძალიან ბევრ ახალგაზრდა, ნიჭიერ ახალ სახეს შევხვდით და არის ძალიან კარგი პოტენციალი, რომ მათ შეავსონ, გადაახალისონ ჩვენი გუნდის რიგები. მაგრამ ამასთან დაკავშირებით მოგვიანებით გახდება ცნობილი“, – აცხადებს მამუკა მდინარაძე.

კომენტარის დატოვება
IMG.GE
გაზიარება