ჩვენთვის პეტერ ფიშერის ფაილი დახურულია, გერმანიაში მის გამგზავრებას ველოდებით და, მგონი, მთელი ქვეყანა ამ ქედმაღლური ზიზღისგან დაისვენებს, რომელიც მისი თითოეული კომენტარიდან ისმის, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.
პაპუაშვილს კითხვა დაუსვეს გერმანიის საგარეო საგარეო საქმეთა სამინისტროს ვებგვერდზე საქართველოს შესახებ არსებულ ინფორმაციასთან დაკავშირებით. კერძოდ, გერმანიის საგარეო უწყება საქართველოსთან დაკავშირებით რატომ არ ცვლის მონაცემებს, რომლის მიხედვითაც, სალომე ზურაბიშვილი ისევ პრეზიდენტადაა მოხსენიებული.
„ეს საქართველოს სუვერენიტეტზე ჩვეულებრივი თავდასხმაა. რა თქმა უნდა, თავდასხმას სათანადო პასუხი სჭირდება და საქართველოს საგარეო საქმეთა სამინისტრო ამას აკეთებს.
პეტერ ფიშერის აგდებულ საუბარზე რაიმე კომენტარის გაკეთება რთულია. ერთადერთი სიკეთე, რაც მას შეუძლია, გააკეთოს საქართველოსთვის, ისაა, რომ ეს ქვეყანა დატოვოს და, მგონი, მთელი ქვეყანა ამ ქედმაღლური ზიზღისგან დაისვენებს, რომელიც მისი თითოეული კომენტარიდან ისმის.
სიმართლე გითხრათ, განცვიფრებული ვარ, როგორ შეიძლება, ელჩს მასპინძელი ქვეყნისა და ხალხის მიმართ ასეთი დამოკიდებულება ჰქონდეს და ქვეყნის ხელისუფლების მიმართ ასეთ ზიზღს ავლენდეს. ჩვენთვის პეტერ ფიშერის ფაილი დახურულია, გერმანიაში მის გამგზავრებას ველოდებით“, – განაცხადა პაპუაშვილმა.