თბილისში, საქართველოს მთავრობის ადმინისტრაციასთან აქცია დასრულდა. აქციის ორგანიზატორებს შეკრებილებისთვის ამ დრომდე არ გაუცნიათ გეგმა, თუ რას აპირებენ მომდევნო დღეებში, არც მომდევნო აქცია დაუანონსებიათ.
შოთა დიღმელაშვილმა კანცელარიასთან მყოფ რამდენიმე მონაწილეს მიმართა, რომ “დაიშალონ”, რადგან მთავრობის სხდომა ვერ შედგა.
“რავიცი, დავიშალოთ დღეს, ვერ შედგა მთავრობის სხდომა, ასლანი გაიქცა, აჭარა თავისუფალია”- თქვა დიღმელაშვილმა.
აქციის კიდევ ერთი ორგანიზატორი, გიორგი თავდგირიძე ამბობს, რომ აუცილებლად გაგრძელდება პროტესტი:
„პროტესტი აუცილებლად გაგრძელდება, ძალიან მნიშვნელოვანი არჩევანის წინაშე დგას ჩვენი ქვეყანა – არ გვაქვს უფლება, რომ ამ ბრძოლაში გავჩერდეთ“ – ამბობს გიორგი თავდგირიძე.