ხელვაჩაურის კულტურისა და ხელოვნების ცენტრის დარბაზში გაიმართა დოკუმენტური ფილმის „მარადიული აწმყო“ ჩვენება, რომელიც მიეძღვნა საქართველოს კათოლიკოს-პატრიარქის, უწმინდესისა და უნეტარესის, სრულიად საქართველოს კათოლიკოს-პატრიარქ ილია II-ის გარდაცვალებიდან ორმოც დღეს.
დოკუმენტური ნამუშევარი ასახავს პატრიარქ ილია მეორის მრავალწლიან, ნაყოფიერ და მრავალმხრივ მოღვაწეობას. ფილმი განსაკუთრებული სიღრმით წარმოგვიდგენს მის სულიერ მისიას, ეკლესიის წინამძღოლობის უმნიშვნელოვანეს ეტაპებსა და იმ ღვაწლს, რომელმაც მნიშვნელოვანი კვალი დატოვა როგორც საქართველოს სამოციქულო ავტოკეფალური მართლმადიდებელი ეკლესიის, ისე სრულიად ქართული საზოგადოების ცხოვრებაში.
ფილმის ჩვენებას ესწრებოდნენ გადამღები ჯგუფის წევრები, მერიისა და საკრებულოს წარმომადგენლები, აგრეთვე საზოგადოების სხვადასხვა სფეროს წარმომადგენლები.
ღონისძიებას ასევე, ესწრებოდნენ წმინდა თევდორე აჭარელის სახელობის ტაძრის წინამძღვარი, დეკანოზი მამა მატათა და სამღვდელოების სხვა წარმომადგენლები. მათი დასწრება ღონისძიებას განსაკუთრებულ სულიერ განწყობას სძენდა, რაც უფრო უსვამდა ხაზს ფილმის თემატიკის მნიშვნელობასა და პატრიარქისადმი გამოხატულ პატივისცემას.