დიდუბეში ფრენბურთის სასკოლო ტურნირი „დიდუბე 2026“ გაიმართა, რომელიც ექვსი დღის განმავლობაში მიმდინარეობდა.
ტურნირში მონაწილეობა მიიღო დიდუბის რაიონის სკოლების მოსწავლეებით დაკომპლექტებულმა 16-მა გუნდმა. დაძაბული და საინტერესო თამაშების შედეგად, როგორც გოგონებში, ისე ვაჟებში, გამარჯვება 155-ე სკოლამ მოიპოვა
შეჯიბრის ფარგლებში გამოვლინდნენ საუკეთესო მოთამაშეები და ბომბარდირები:
საუკეთესო მოთამაშეები: მარიამ კუპატაძე და ნიკოლოზ დათიაშვილი
ბომბარდირები: მარიამ ჩხიტუნიძე და გეგა მაისურაძე
გამარჯვებულებს დიდუბის რაიონის გამგებელმა დავით გელოვანმა და თბილისის საკრებულოს დიღმის მასივის მაჟორიტარმა დეპუტატმა შოთა ქევხიშვილმა თასები, მედლები, სიგელები და სპორტული მაღაზიის ვაუჩერები გადასცეს.
მსგავსი აქტივობები ხელს უწყობს ახალგაზრდებში ჯანსაღი ცხოვრების წესის პოპულარიზაციას და სპორტისადმი ინტერესის ზრდას.