გურიის მხარეში სახელმწიფო რწმუნებული გიორგი ღურჯუმელიძე, ოზურგეთის მუნიციპალიტეტის მერთან პაატა კუნჭულიასთან ერთად, საქართველოში ჩეხეთის რესპუბლიკის ელჩს პეტრ კუბერნატს შეხვდა.
შეხვედრაზე მხარეებმა გურიასა და ჩეხეთის პარდუბიცეს რეგიონს შორის გაფორმებული ურთიერთანამშრომლობის მემორანდუმის ფარგლებში დაგეგმილ აქტივობებზე ისაუბრეს, რომელიც მოიცავს ერთობლივი პროექტების განხორციელებას განათლების, ტურიზმის, სპორტის, კულტურისა და ინფრასტრუქტურული განვითარების მიმართულებით.
შეთანხმდნენ, რომ გაგრძელდება მუშაობა არსებული კავშირების გაფართოების კუთხით ადგილობრივი თვითმმართველობების დონეზე, რათა შესაძლებელი გახდეს მუნიციპალური სერვისების გაძლიერების კუთხით ჩეხეთის გამოცდილების გაზიარება და სამომავლოდ ერთობლივი პროექტების დაგეგმვა და განხორციელება.
ვიზიტის ფარგლებში ელჩი, ასევე, ოზურგეთის ისტორიულ მუზეუმს და სახელმწიფო დრამატულ თეატრს ესტუმრა.