საქართველოში აშშ-ის ელჩი კელი დეგნანი 30 ივნისს, აშშ-ის საელჩოში გამართულ ღონისძიებაზე მომხდარ ინციდენტს გამოეხმაურა.
„გუშინ მართლაც არაჩვეულებრივი, ძალიან პოზიტიური ღონისძიება გვქონდა, სადაც შევკრიბეთ ძალიან ბევრი ქართველი. ჩვენ გვინდოდა, კიდევ ერთხელ ხაზი გაგვესვა იმისთვის, რაოდენ მნიშვნელოვანია, როდესაც ქართველები ერთიანდებიან ევროატლანტიკური მისწრაფებებისთვის. ცოტა იმედგაცრუებულები დავრჩით იმით, რომ ამ ინციდენტმა გადაფარა დამოუკიდებლობის დღისადმი მიძღვნილი ღონისძიება“, – განაცხადა დეგნანმა.