პოლონელმა პოლიტიკოსმა, ანა ფოტიგამ, რომელიც არაერთხელ ითხოვდა საქართველოს ექს-პრეზიდენტის, მიხეილ სააკაშვილის ციხიდან გათავისუფლებას, განაცხადა, რომ მისი პოლიტიკური კარიერა დასრულდა.
„ჩემი პოლიტიკური კარიერა ცალსახად დასრულებულია. არ ვაპირებ კენჭი ვიყარო არც ეროვნულ, არც ევროპულ საკანონმდებლო ორგანოებში. სხვა პასუხისმგებლობის აღებასაც არ ვაპირებ. თუმცა ვფიქრობ, რომ მაქვს უფლება გამოვხატო ჩემი აზრი პოლონური და საერთაშორისო უსაფრთხოების ყველაზე გადამწყვეტ დროს“, – დაწერა ფოტიგამ სოციალურ ქსელ X-ში.
როგორც მან აღნიშნა, პოლიტიკური კარიერის დროს მას უნახავს შეცდომები, რომლებსაც პოლონელი, თუ სხვა ქვეყნების ლიდერები უშვებდნენ, რამაც პუტინს „ნეოიმპერიალისტური პოლიტიკის წარმოების საშუალება მისცა, რომლის კულმინაცია უკრაინის წინააღმდეგ აგრესია გახდა“.