უხვმა ნალექმა გასული ღამის განმავლობაში პრობლემები დიდუბის რაიონშიც გამოიწვია.
რაიონის გამგეობის თანამშრომლები, სხვადასხვა უწყების, ასევე გამგეობის კონტრაქტორი კომპანიის წარმომადგენლებთან ერთად, მთელი ღამის განმავლობაში მუშაობდნენ შექმნილი პრობლემების მყისიერად აღმოსაფხვრელად.
განსაკუთრებით საყურადღებოა მძიმე თოვლის გამო ხის ტოტების მტვრევის და ხეების წაქცევის ფაქტები.
ბოლო 24 საათის განმავლობაში ადგილი ჰქონდა ხეების მასიური წაქცევის შემთხვევებს, რამაც დააზიანა ელექტროგადამცემი ხაზები, ავტომობილები და ჩახერგა გზები.
საგზაო-სატრანსპორტო მოძრაობის შეფერხების შემთხვევაში, მოსახლეობას შეუძლია დაუკავშირდეს თბილისის მერიას და “თბილსერვის ჯგუფს” ცხელი ხაზის მეშვეობით – 2 72 22 22;
2 61 90 50