კანდიდატის სტატუსზე განაცხადი 2024 წელს უნდა გაგვეკეთებინა განაცხადი, ამისთვის ვემზადებოდით, „ქართულმა ოცნებამ“ ამისთვის ყველაფერი გააკეთა. უფრო მეტია შესრულებული, ვიდრე უკრაინასა და მოლდოვას შემთხვევაში. ჩვენ გვქონდა გეგმა, რომ ვალდებულებას 70%-მდე გავაკეთებდით და 2024 წელს უფრო მეტად მომზადებულები შევიდოდით. თუმცა, ახლა უფრო მეტად მზად ვართ, ვიდრე ის ორი ქვეყანა, რომელმაც სტატუსი უკვე მიიღო, – ამის შესახებ დამოუკიდებელმა დეპუტატმა, დიმიტრი ხუნდაძემ გადაცემაში „იმედი LIVE“ განაცხადა.
„თავიან ეს დაჩქარებული შემოთავაზება იყო იმიტომ, რომ იყო შემოთავაზება უარისთვის. პირველი რეზოლუცია აბსოლუტურად შეურაცხმყოფელი იყო არა მხოლოდ ჩემთვის, როგორც მმართველი გუნდისთვის, არამედ საზოგადოებისთვის. იქ იყო ისეთი ჩანაწერები, რომელიც აბსოლუტურად მიუღებელი იყო ქვეყნისთვის. მე მაშინაც გავაკეთე განცხადება, რომ თუ ჩვენ უსამართლო წესებს შემოგვთავაზებენ, ჩვენ უარი უნდა ვთქვათ და დაიწყო თავდასხმა ჩემზე. მე დავსვამ კითხვას – რადგან ევროპულია უსამართლობა უნდა მივიღოთ?! ჩვენ ევროპაში შევიდეთ თავაწეული, ღირსეული და სამართლიანად. საქართველო უარისთვის თავიდანვე განწირული იყო, რადგან ქუჩის ფორმირება უკვე ნელ-ნელა ხდებოდა“, – განაცხადა დიმიტრი ხუნდაძემ.