დიდუბის რაიონის გამგეობა საგზაო ინფრასტრუქტურის მოწესრიგებას აქტიურად განაგრძობს.
ამ ეტაპზე, ვანის ქუჩასა და აგლაძისა და ხოშარაულის ქუჩების კვეთაზე გზის საფარის რეაბილიტაცია მიმდინარეობს. სამუშაოები, ჯამში, 600 კვ.მ ფართობზე ხორციელდება, რისთვისაც ადგილობრივი ბიუჯეტიდან 55 000 ლარია გამოყოფილი.
აღნიშნულ მისამართებზე დიდუბის რაიონის გამგეობამ მიწისქვეშა კომუნიკაციები უკვე მოაწესრიგა, კერძოდ, მოეწყო სანიაღვრე ქსელი.
სამუშაო პროცესს დიდუბის რაიონის გამგებელი დავით გელოვანი მოადგილესთან, ზურაბ უგულავასთან ერთად გაეცნო.