IMG.GE ___________________________________ IMG.GE

ეკონომიკური კრიზისის პირობებში რუსთავში შენდება ახალი საწარმო, რომლიც 3 000 ახალ სამუშაო ადგილს შექმნის. ეს მისასალმებელია, – ამის შესახებ პრემიერ-მინისტრმა გიორგი გახარიამ განაცხადა, რომელიც დღეს რუსთავში  კომპანია „აჭარა ტექსტილის“ შვილობილი სამკერვალო საწარმოს „ქართლი ტექსტილის“ პრეზენტაციას დაესწრო. მან კომპანიასთან თანამშრომლობაზე ისაუბრა.

მინდა, ხაზგასმით აღვნიშნო, რომ არ შემეძლო, დღეს აქ არ მოვსულიყავი რამდენიმე მიზეზის გამო. პირველი მიზეზია, რომ მართლაც, დღეს ეკონომიკური კრიზისის პირობებში, რუსთავში შენდება ახალი საწარმო, რომელიც შექმნის 3000 ახალ სამუშაო ადგილს. ერთმნიშვნელოვნად ეს არის მისასალმებელი და დღეს მთავრობის საზრუნავი დამატებითი სამუშაო ადგილების შექმნის გარდა, სხვა არაფერი არ არის. ეს არის დღეს ჩვენი პრიორიტეტი. ყველას კარგად გვესმის, რომ ეკონომიკური კრიზისების პირობებში, ჩვენს მოქალაქეებს უბრალოდ შემოსავალი დააკლდათ ოჯახში. ჩვენ ყველაფერი უნდა გავაკეთოთ იმისთვის, რომ ბიზნესზე დარტყმის მინიმიზება მოვახდინოთ და ახალი სამუშაო ადგილები შევქმნათ იმასთან ერთად, რომ არსებული სამუშაო ადგილები შევინარჩუნოთ. ამიტომ, კრიტიკულად მნიშვნელოვანია, რომ აქ, ზუსტად ოთხ თვეში შეიქმნება 3000 სამუშაო ადგილი. ეს საწარმო ამოქმედდება და ეს არის სერიოზული მიღწევა რეგიონისა და ქალაქისთვის.

ჯერ კიდევ ბიზნესომბუდსმენი ვიყავი, როდესაც „აჭარა ტექსტილი“იწყებდა მუშაობას და ეს თანამშრომლობა იყო ძალზედ დინამიური. ეს იყო საწარმო ჯერ აჭარაში, შემდგომ იყო ფოთში, ქობულეთშიც მათ შორის და ეს არის მეოთხე დღეს აქ, რომელიც ფაქტობრივად ქართული მსუბუქი მრეწველობის ავანგარდია. ყველას კარგად უნდა გვესმოდეს, რომ ჩვენ ასე დარგობრივად, სექტორულად უნდა მივყვეთ. ეს არის საწარმო, რომელიც ამზადებს, კერავს და საექსპორტო პროდუქციას“, – განაცხადა პრემიერმა.

კომენტარის დატოვება
IMG.GE
გაზიარება