გულწრფელად მჯერა, თქვენი საქართველოში ყოფნა დადებითი ემოციებით და ახალი მეგობრების შეძენით იქნება გამორჩეული. ჩვენ ყველანაირად ვეცდებით, რომ ის პერიოდი, რასაც თქვენ საქართველოში გაატარებთ, თქვენს ცხოვრებაში მართლაც გამორჩეული, დაუვიწყარი და დადებითი დრო იყოს, – ასე მიმართა საქართველოს პარლამენტის თავმჯდომარის მოადგილემ, დავით სერგეენკომ უკრაინელ მოსწავლეებსა და მათ მშობლებს, რომლებსაც დღეს საქართველოს პარლამენტმა უმასპინძლა.
ღონისძიების ფარგლებში, პარლამენტის თავმჯდომარე შალვა პაპუაშვილმა და თბილისის მაჟორიტარმა დეპუტატებმა უკრაინელ მოსწავლეებს, მათ მშობლებსა და პედაგოგებს სამახსოვრო საჩუქრები გადასცეს.
დღესვე, საკანონმდებლო ორგანოს უკრაინელი სტუმრები მთაწმინდის პარკში ტრამვაით გაემგზავრებიან, სადაც ისინი მთელი დღის განმავლობაში ულიმიტო აბონემენტებით ისარგებლებენ.