დიდუბის რაიონის გამგეობის ორგანიზებით, სასკოლო გუნდებს შორის ფრენბურთის ამხანაგური ტურნირი ჩატარდა.
ტურნირი ექვსი დღის განმავლობაში მიმდინარეობდა და მასში დიდუბის რაიონის სკოლების მოსწავლეებით დაკომპლექტებულმა თექვსმეტმა გუნდმა მიიღო მონაწილეობა.
ტურნირის გამარჯვებული, გოგონებშიც და ვაჟებშიც, 155-ე სკოლა გახდა. შეჯიბრების მიმდინარეობისას, ასევე გამოვლინდნენ საუკეთესო მოთამაშეები და ბომბარდირები.
გამარჯვებულები დიდუბის რაიონის გამგებელმა დავით გელოვანმა, თბილისის საკრებულოს დიღმის მასივის მაჟორიტარმა დეპუტატმა შოთა ქევხიშვილმა და საკრებულოს დეპუტატმა ნოდარ ბოკერიამ თასებით, მედლებით და სიგელებით დააჯილდოვეს.
