კარლ ჰარცელი „თბილის პრაიდის“ კვირეულთან დაკავშირებით შინაგან საქმეთა სამინისტროს განცხადებას მიესალმება. ამის შესახებ ევროკავშირის ელჩმა საქართველოში კლუბ „ხიდში“ „თბილისი პრაიდის“ კვირეულის ფარგლებში პირველი ღონისძიების დასრულების შემდეგ განაცხადა.
„შეკრებისა და სიტყვის თავისუფლება გარანტირებული უნდა იყოს ყველასთვის, ასევე დაცული უნდა იყოს ჟურნალისტების უსაფრთხოება. მოხარული ვარ, რომ თანამშრომლობას აქვს ადგილი სამართალდამცველებსა და „თბილისი პრაიდს“ შორის. შინაგან საქმეთა სამინისტროს განცხადებასაც მივესალმები ამ კვირაში პრევენციული ღონისძიებების უზრუნველყოფასა და სათანადო ნაბიჯების გადადგმასთან დაკავშირებით“, – აღნიშნა ჰარცელმა.
შინაგან საქმეთა სამინისტრომ „თბილისი პრაიდის“ კვირეულის ფარგლებში დაანონსებულ ღონისძიებებთან დაკავშირებით პრევენციული ღონისძიებების შესახებ განცხადება გაავრცელა, რომელშიც აღნიშნულია, რომ უწყების წარმომადგენლები მუდმივ კომუნიკაციაში იმყოფებიან ღონისძიების ორგანიზატორებთან.
საკონსტიტუციო სასამართლომ „უცხოური გავლენის გამჭვირვალობის შესახებ“ კანონი არ შეაჩერა