მოთხოვნები ხელისუფლების ჩანაცვლებაზე, გაურკვეველი ტიპის კონსტიტუციის დებულებებისგან სრულიად აცდენილი საშუალებებით, ემსახურება „ნაციონალური მოძრაობის“ ინტერესს, – ამის შესახებ საპარლამენტო უმრავლესობის წევრმა მიხეილ სარჯველაძემ განაცხადა.
„ის პოლიტიკური და შორსმიმავალი მოთხოვნები, რომელიც არის წამოყენებული, როგორიც არის ხელისუფლების ჩანაცვლება გაურკვეველი ტიპის კონსტიტუციის დებულებებისგან სრულიად აცდენილი საშუალებებით, მიანიშნებს მხოლოდ და მხოლოდ ერთზე, რომ ამ ყველაფრის ორგანიზებაში, დაგეგმვაში დაინტერესებულები არიან თავად „ნაციონალური მოძრაობა“ და რეალურად მათ ინტერესს ემსახურება ასეთი ტიპის მოთხოვნების წამოყენება“, – აღნიშნა სარჯველაძემ.
დეპოლარიზაცია, საარჩევნო რეფორმა, სასამართლო რეფორმა, დეოლიგარქიზაცია, თავისუფალი და დამოუკიდებელი მედიაგარემო – ასე გამოიყურება საშინაო დავალების ნაწილი, რომელიც ევროკომისიამ, რეკომენდაციების სახით, 12 პუნქტად გასცა. მის შესასრულებლად საქართველოს ვადა წლის ბოლომდე აქვს.