„სტრატეგია აღმაშენებლის“ დეპუტატი პაატა მანჯგალაძე გამოეხმაურა „ხალხის მსახურის“ ფრაქციის ლიდერის, დავით არახამიას მიერ „ტელეგრამზე“ გაკეთებულ განცხადებას, რომ საქართველოს ხელისუფლება რუსეთს სანქციების გვერდის ავლაში ეხმარება. მანჯგალაძის თქმით, მსგავს ბრალდებებს მტკიცებულებებიც უნდა მოჰყვებოდეს.
„მის განცხადებებს აუცილებლად უნდა მოჰყვეს კონკრეტული მტკიცებულებები. მტკიცებულებების გარეშე, არც ქვეყნის შიგნით და არც ქვეყნის გარეთ, ამას დამაჯერებლობა არ ექნება“, – აცხადებს პაატა მანჯგალაძე.