უკრაინაში არის ასეთი პოლიტიკოსი, პოდოლიაკი მიხაილო, ზელენსკის ასისტენტია, ანუ Dummer August-ი! გლობალურმა ომის პარტიამ ახლა გამოაგორა და მისი განცხადებები ერთი-ერთში ჰგავს საქართველოში მყოფი აგენტების ნარატივს! სიახლეც არ არის, რომ არც უკრაინელ მონებს არ აცვლევინებენ ტექსტს და ტყუილს, დეზინფორმაციას ავრცელებინებენ! – ამის შესახებ „ქართული ოცნების“ რეგიონული მდივანი, დიმიტრი სამხარაძე, სოციალურ ქსელში წერს.
სამხარაძის განცხადებით, ზელენსკი პროფესიონალურად ასრულებს კრემლის და ევროპელ ჩინოვნიკთა დავალებებს, რამდენადაც არცერთ მხარეს არ აწყობს ძლიერი უკრაინა მეზობლად.
მისივე თქმით, ის რომ მათ სააკაშვილის უკრაინაში დაბრუნება სურთ, ლოგიკურია, რამდენადაც მათ კაპიტულანტი სააკაშვილის გამოცდილება ნამდვილად სჭირდებათ.
„ზოგადად მონობაზე და მარიონეტობაზე როდესაც არის საუბარი, ყველაზე მთავარი მანქურთიზაციის მაგალითი, ზელენსკის მთავრობაა! სხვისი ინტერესების გატარების სანაცვლოდ, საკუთარ მოსახლეობას რომ წირავს და უკრაინის სახელმწიფოს ანადგურებს! პროფესიონალურად ასრულებს პუტინის და კორუმპირებული ევროპელი ჩინოვნიკების ოცნებას. როგორც რუსეთს, ისე ევროპასაც არ აწყობს, ძლიერი უკრაინა ესაზღვრებოდეს და ამ ცირკში, კლოუნთა დასი ყველაფერს აკეთებს უკრაინის დასაშლელად! ამ Dummer August-ს რომ დავუბრუნდეთ, ამათი პრიორიტეტი და დღის წესრიგი სააკაშვილის უკრაინაში დაბრუნება ყოფილაო, ლოგიკურიც არის, 2008 წლის რუსეთ-საქართველოს ომის ავანტურის დამწყები და მერე კაპიტულიანტი სააკაშვილის გამოცდილება ნამდვილად სჭირდებათ. თუ კაპიტულაციის გამოცხადებას აპირებენ, ჯალათი სააკაშვილი კარგი მასწავლებელი იქნება! თუმცა, ერთი რამ ავიწყდებათ!!! საქართველოს ჰყავს ეროვნული, პრო-ქართული ხელისუფლება! გუნდი, რომლის სათავეშიც ერისკაცი ბატონი ბიძინა ივანიშვილია, პრემიერი ირაკლი კობახიძე, ქართველები, რომელთა მთავარი პრიორიტეტი საქართველოს ინტერესების დაცვაა, დამოუკიდებლობის, მშვიდობის შენარჩუნება და ჯალათი სააკაშვილი, სულ რომ ბოლომდე გადაისხათ, პასუხს აგებს ქართულ ციხეში, საქართველოს სახელმწიფოს და ქართველი ხალხის წინაშე ჩადენილი დანაშაულების გამო! რაც შეეხება კლოუნებს, ტექსტი არ შეცვალოთ !!“ – წერს დიმიტრი სამხარაძე.