ოკუპირებული აფხაზეთის დე ფაქტო ხელისუფლებამ მდინარე ენგურთან ე.წ. საზღვარი დღეიდან ცალმხრივად ისევ გახსნა

___________________________________

ოკუპირებული აფხაზეთის დე ფაქტო ხელისუფლებამ მდინარე ენგურთან ე.წ. საზღვარი დღეიდან ცალმხრივად ისევ გახსნა.

მოქალაქეები ენგურის ხიდზე დილიდან გადადიან, მათ საქართველოს კონტროლირებად ტერიტორიაზე სპეციალური სამედიცინო შემოწმება უტარდებათ.
როგორც მოქალაქეები აცხადებენ, ტრანსპორტი არ მოძრაობს აფხაზეთის მიმართულებით და ტვირთით დაახლოებით 2-კილომეტრიანი გზის გავლა უწევთ.

დე ფაქტო ხელისუფლების გადაწყვეტილებით, ენგურის ხიდი 17 ივლისის ჩათვლით იქნება გახსნილი.

ე.წ. საკონტროლო-გამშვები პუნქტი ყოველ დღეს, 9:00 საათიდან 19:00 საათამდე იმუშავებს.

ოკუპირებული აფხაზეთის დე ფაქტო ხელისუფლებამ პანდემიის პერიოდში, 14 მარტიდან ჩაკეტილი ე.წ. საზღვარი ცალმხრივად, უკვე მესამედ გახსნა.