უკრაინამ შესაძლოა ისრაელის მოქალაქეებისთვის სავიზო რეჟიმი დააწესოს, – ამის შესახებ ისრაელში უკრაინის ელჩმა განაცხადა.
ევგენი კორნიჩუკის თქმით, ეს იქნება ადეკვატური პასუხი ისრაელის გადაწყვეტილებაზე, უკრაინის მოქალაქეებზე სავიზო რეჟიმი გავრცელდეს.
„ეს არის ისრაელის ნოუ-ჰაუ: 24 თებერვლის შემდეგ, უკრაინისთვის სავიზო რეჟიმი არცერთ ქვეყანას არ დაუწესებია, კანადამ და ირლანდიამ კი პირიქით, უკრაინის მოქალაქეებს სავიზო რეჟიმი გაუუქმეს. დღეს ისრაელში რუსეთისა და ბელარუსის მოქალაქეებს უპრობლემოდ უშვებენ, უკრაინის მოქალაქეებისთვის კი ელექტრონული ვიზები მოიგონეს, რაც მიუღებელია“, – აღნიშნა ელჩმა.