“როგორც დავაკვირდით, საარჩევნო პროცესი მიმდინარეობს შეფერხების გარეშე”, – ამის შესახებ საერთაშორისო დამკვირვებელი, ივ მარი ჟორჟ რობერტ ალფი საუბრობს.
“დღეს 8 საათიდან ვიყავით საარჩევნო უბნებზე. როგორც დავაკვირდით, საარჩევნო პროცესი მიმდინარეობს შეფერხების გარეშე. ვნახეთ, რომ სისტემა არის ელექტრონული, რაც განსხვავდება იმისგან, რაც ჩვენ გვაქვს საფრანგეთში,” – ამბობს ივ მარი ჟორჟ რობერტ ალფი.
ცნობისთვის, თვითმმართველობის არჩევნებს 28 საერთაშორისო და 27 ადგილობრივი ორგანიზაცია აკვირდება. პროცესს ასევე აშუქებს 73 მედიასაშუალების ათასამდე წარმომადგენელი. საქართველოში იმყოფებიან დამკვირვებლები 21 ქვეყნიდან, მათ შორის არიან როგორც საელჩოების, ისე საერთაშორისო ორგანიზაციების და საარჩევნო ადმინისტრაციების წარმომადგენლები.