საქართველოს პრემიერ-მინისტრი ირაკლი კობახიძე ევროპული პოლიტიკური გაერთიანების სამიტში (EPC) მონაწილე ლიდერთა პატივსაცემად დანიის მეფისა და დედოფლის სახელით გამართულ მიღებას დაესწრო.
დანიის მეფე ფრედერიკ X-მ და დედოფალმა მერი ელიზაბეთმა სამიტის მონაწილე ლიდერებს კოპენჰაგენში, ამალიენბორგის სასახლეში უმასპინძლეს.
საქართველოს მთავრობის მეთაური EPC-ის რიგით მე-7 სამიტში მიიღებს მონაწილეობას, რომელიც კოპენჰაგენში ხვალ გაიმართება.
ინფორმაციას მთავრობის ადმინისტრაციის პრესსამსახური ავრცელებს.