პირველი გზავნილი ქართველი ხალხისა და საქართველოს ხელისუფლებისადმი არის ის, რომ ჩვენ მათ ევროპულ პერსპექტივას ვაძლევთ და ეს არის ძალიან მკაფიო გზავნილი, – ამის შესახებ ევროპული საბჭოს პრეზიდენტმა, შარლ მიშელმა განაცხადა.
„დარწმუნებული ვარ ეს ძალიან მნიშვნელოვანია როგორც ქვეყნისთვის, ისე ქართველი ხალხისთვის, რომ განახორციელონ ფუნდამენტალური რეფორმები: ბრძოლა კორუფციის წინააღმდეგ, შეძლოს სასამართლოს დამოუკიდებლობა, მათ უნდა მიაღწიონ პროგრესს და კომისიის ანგარიშზე დაყრდნობით, თავდაჯერებით და პოლიტიკური ნებით პოლიტიკურ ლანდშაფტზე საქართველოში, მაშინ შესაძლებელი იქნება მათთვის, რომ მიაღწიონ ძალიან დიდი პროგრესს.
ვიცი, რომ მათ ზუსტად იციან რა ნაბიჯებია გადასადგმელი სწორი მიმართულებით. ჩვენი გზავნილი მკაფიოა გეოპოლიტიკურ დონეზე. საქართველოს ხელისუფლებას აქვს მიღებული არჩევანი, ეს არის არჩევანი ფუნდამენტალურ ღირებულებებისადმი, დემოკრატიისადმი და ჩვენ მართლაც გვსურს მჭიდრო თანამშრომლობა მათთან, რათა მხარი დავუჭიროთ მათ ძალისხმევას ახალი მიმართულებით“, – განაცხადა შარლ მიშელმა.