გიორგი ვოლსკი გუშინ 8 ოპოზიციური პარტიის მიერ გამართულ აქციას გამოეხმაურა. პარლამენტის თავმჯდომარის პირველმა მოადგილემ აღნიშნა, რომ ქუჩაში გამოსული ადამიანების ნაკლებობა მისთვის გასაკვირი არ ყოფილა.
„როცა ამდენი პარტია, ამდენი არასამთავრობო ორგანიზაცია, ამხელა მხარდაჭერა საზღვარგარეთიდან ამ მიმართულებაზეა კონცენტრირებული, რასაკვირველია, ყველა ხაბეიშვილი ელოდებოდა, რომ ბევრი ხალხი გამოვიდოდა ქუჩებში. არ გამოვიდა. მაგრამ ვინც გამოვიდა, ისინიც ჩვენი თანამოქალაქეები არიან. რასაკვირველია, ზოგი შეპყრობილია გარკვეული იდეით, რომელიც წმინდად ანტიქართულია. არსებობს ადამიანების გარკვეული ჯგუფი, რომელიც შეცდომაშია შეყვანილი. არანაირი საგარეო კურსი საქართველოს არ შეუცვლია და არანაირი მტკიცებულება იმისი, რომ არჩევნები გაყალბდა, არ არსებობს. ეს ადამიანები ამ ორი იდეის გარშემო არიან შეკრებილები. რასაკვირველია, ვერ იქნებიან ბევრნი, ვერ აჰყვება მათ საზოგადოების უდიდესი ნაწილი, რომელმაც საქართველოს გადარჩენას მისცა ხმა 2024 წლის ოქტომბერში“, – განაცხადა ვოლსკიმ.