საქართველო უდავოდ ადგას ევროკავშირის გზას, – განაცხადა საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჟოზეფ ბორელმა.
„საქართველო უდავოდ ადგას ევროკავშირის გზას. დიახ, არსებობს პირობები. ეს არის დიდი წინ გადადგმული ნაბიჯი და ჩვენ იგი არასათანადოდ არ უნდა შევაფასოთ. ეს ასევე არის ნიშანი აღიარებისა და მკაფიო მხარდაჭერისა. ამჟამად ევროპული გზა საქართველოსთვის სრულყოფილად არის განსაზღვრული. იცით რა, როგორ და როდის უნდა გაკეთდეს. ახლა ერთად ვიმუშავებთ საერთო გზის ყოველ ნაბიჯზე საქართველოს მომავლის ევროკავშირში ასაშენებლად“, – აღნიშნა ჟოზეფ ბორელმა.