IMG.GE ___________________________________ IMG.GE

მჯერა, რომ გამოძიება ყოველ მხრივ მაქსიმალურად გამჭვირვალედ წარიმართება, ჩემთვის უმთავრესია, რომ ოჯახს შეკითხვებზე არ დარჩეს პასუხი გაუცემელი – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა გიორგი შაქარაშვილის საქმეზე საუბრისას განაცხადა.

ეს უმძიმესი შემთხვევაა ოჯახისთვის. მათ კიდევ ერთხელ ვუსამძიმრებ. ჩვენთვის თითოეული მოქალაქის სიცოცხლე და ჯანმრთელობა ძალიან ძვირფასია. შესაბამისად, ამ საქმემ და გამოძიებამ ოჯახის არც ერთი შეკითხვა არ უნდა დატოვოს პასუხგაუცემელი. ძალიან მნიშვნელოვანია, რომ არსებული ინფორმაციით, გადაკვალიფიცირდა ქმედება და გამოძიება მიმდინარეობს განზრახ ჯგუფურად მკვლელობაზე, დამამძიმებელ გარემოებებში. ამ ექსპერტიზის დასკვნაზე მყისიერი რეაგირება და საქმის გადაკვალიფიცირება სწორია.

ჩემთვის უმთავრესია, რომ ოჯახს შეკითხვებზე არ დარჩეს პასუხი გაუცემელი. ჩვენ თვალყურს ვადევნებთ, ბოლო დროს სამწუხარო ინტერპრეტაციებს, ძალიან ბინძურ და ცუდ განმარტებებს. როდესაც არ იცი საქმის დეტალები, არ შეიძლება, ისაუბრო ისე, რომ დამატებითი ტკივილი მიაყენო ახლობლებს და საზოგადოება შეცდომაში შეიყვანო. მჯერა, რომ გამოძიება ყოველ მხრივ მაქსიმალურად გამჭვირვალედ წარიმართება. მთავარია, რომ ოჯახი ინფორმირებულია და მას გამოძიების მიმდინარეობის შესახებ ინფორმაცია ოპერატიულად მიეწოდება. იმის გარანტი, რომ ოჯახმა შეკითხვებზე ამომწურავი პასუხი მიიღოს, არის საგამოძიებო ორგანო. გარდა ამისა, ყველა იმ მხარეს, ვინც იქ იყო, ეკისრება პასუხისმგებლობა, რომ გამოძიებას მიაწოდოს ინფორმაცია. სამწუხაროა, რომ სხვადასხვა ჯგუფში გარკვეული სტერეოტიპული აზროვნება ჯერ კიდევ შემორჩენილია. ეს სტერეოტიპული აზროვნება, რომ გამოძიებისთვის ინფორმაციის მიწოდება თითქოს არასწორად აღიქმება ვიღაცის მხრიდან, უნდა დაინგრეს. ეს ბნელი აზროვნებაა“, – განაცხადა ანრი ოხანაშვილმა.

ექსპერტიზის „ექსპერტიზის დასკვნით , გიორგი შაქარაშვილის სიკვდილის მიზეზია ასფიქსია წყალში დახრჩობით.  ამავე დასკვნის მიხედვით, გიორგი შაქარაშვილს სიკვდილის წინა ახლო პერიოდში მკვრივი-ბლაგვი საგნით მიყენებული აქვს დაზიანებები, თუმცა ის “მსუბუქი ხასიათის ნიშნებს” ატარებს.

კომენტარის დატოვება
IMG.GE
გაზიარება