გურიის მხარეში სახელმწიფო რწმუნებულმა გიორგი ღურჯუმელიძემ, რეგიონული განვითარების მინისტრის პირველ მოადგილესთან ლევან ზაუტაშვილთან და ადგილობრივი ხელისუფლების წარმომადგენლებთან ერთად, დიდთოვლობის შედეგად დაზარალებული მოსახლეობისთვის სახლების სახურავების რეაბილიტაციის პროცესი დაათვალიერა.
დიდთოვლობის შედეგად ჩანგრეული სახლების სახურავების რეაბილიტაცია დიდთოვლობის შედეგად დაზარალებული მოსახლეობის მხარდაჭერის პროგრამის ფარგლებში მიმდინარეობს.
პროგრამის ფარგლებში შესაბამისი დახმარება გაეწევა დიდთოვლობის შედეგად დაზარალებულ მოსახლეობას, რომელთა სახლის სახურავები ნაწილობრივ დაზიანდა, ან საცხოვრებელი სახლები სრულად დაინგრა და აღდგენას აღარ ექვემდებარება.
2025 წლის თებერვალში დიდთოვლობის შედეგად დაზიანებული სახლების რეაბილიტაციისთვის საქართველოს მთავრობის განკარგულებით 25 345 000 ლარი გამოიყო. პროგრამის ფარგლებში დაზარალებული თითოეული მოსახლე მიიღებს შესაბამის მხარდაჭერას.