უკრაინა სრულად უჭერს მხარს ევროპელი ლიდერების ერთობლივ განცხადებას, ომის დასასრული სამართლიანი უნდა იყოს, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
ზელენსკის თქმით, კიევი „აფასებს და სრულად უჭერს მხარს“ ევროპელი ლიდერების ერთობლივ განცხადებას უკრაინაში მშვიდობის მიღწევის შესახებ.
„ომის დასასრული სამართლიანი უნდა იყოს და მადლობელი ვარ ყველასი, ვინც დღეს უკრაინასა და ჩვენს ხალხს უჭერს მხარს უკრაინაში მშვიდობისთვის, რაც ასევე იცავს ჩვენი ევროპული ქვეყნების სასიცოცხლოდ მნიშვნელოვან უსაფრთხოების ინტერესებს. უკრაინა აფასებს და სრულად უჭერს მხარს პრეზიდენტ მაკრონის, პრემიერ-მინისტრ მელონის, კანცლერ მერცის, პრემიერ-მინისტრ ტუსკის, პრემიერ-მინისტრ სტარმერის, პრეზიდენტ ურსულა ფონ დერ ლაიენის და პრეზიდენტ სტუბის განცხადებას უკრაინისთვის მშვიდობის შესახებ“, – აცხადებს ზელენსკი.
ცნობისთვის, გუშინ დიდ ბრიტანეთში ევროპელი ლიდერების, აშშ-სა და უკრაინის წარმომადგენლების შეხვედრა გაიმართა. შეხვედრის შემდეგ ევროპელმა ლიდერებმა ერთობლივი განცხადება გაავრცელეს, სადაც უკრაინის მიმართ მხარდაჭერა გამოხატეს.